Post image for El sciroppo de menta // Mint syrup

El sciroppo de menta // Mint syrup

by SioraMafalda on May 27, 2011

in Desserts,EatIstria Recipes,Siora Mafalda

Carissimi, bona sera e bona Manjada a tutti!

Sto bel e bravo fio de Goran me ga imbarcado a scriver qua, e cussi a partir de oggi ve tazaro’ l’anima ogni tanto, giusto per tegnir viva la circolazion del sangue…
Per cominciar con dolcezza, oggi ve propongo una bela rizeta – el sciroppo de menta.
Making of Peppermint syrup

In dialetto (in cicchera la traduzion ve la fe soli):

3 chili de zucchero
180 grammi de acido citrico
foie de menta, un per de bei pugni pieni

Darghe un boio a 3 litri de acqua in una pignata de 5 litri e lassar che se intiepidisi. La pignata la devi esser minimo de 5 litri perché co ti ghe meti dentro tutti i altri ingredienti, l’acqua la guadagna de volume.
Alora, prima se meti le foie de menta, le se coverzi con zucchero e acido citrico, se coverzi la pignata e la se lassa star per 24 ore. Ogni per de ore bisogna darghe una missiada perche el zucchero devi andar tutto in sciroppo e no in fundaci.
El giorno dopo xe de travasar el sciroppo in fiasche de plastica con la piria coverta in garza, e metter le fiasche intela iazera (freezer, per capirse meio).
Quando se disiaza, el sciroppo bisogna tegnirlo in frigo finché no se consuma.
Questo saria el metodo “a freddo”, e inveze dele foie de menta se pol meter 25-30 fiori de sambuco.
Ocio che el sciroppo no ve vegnara’ miga de color verde smeraldo come che i ne fa creder quei castroni della pubblicitá, peró el gusto xe tutta un’altra storia, credeme a mi.

Qua gave anche la foto, altre no go rivado far perché el mio vecio me ga gratado la macchineta per fotografar le babe al mercato.

Per oggi go finido, steme ben e arrivederci 🙂

Siora Mafalda

Related Posts Plugin for WordPress, Blogger...

{ 1 comment… read it below or add one }

Clem June 3, 2011 at 13:58

Čekamo da menta nam raste na prozoru i onda probamo!

Reply

Leave a Comment

Previous post:

Next post: